काठमाडौं । यातायात व्यवस्था कार्यालय धनगढीका तत्कालीन प्रमुख लक्ष्मण शाही भ्रष्टाचारी ठहर भएका छन् ।

विशेष अदालतका न्यायाधीश अध्यक्ष टेकनारायण कुँवर तथा सदस्यहरू तेजनारायण राई र रामबहादुर थापाको इजलासले शाहीलाई भ्रष्टाचार मुद्धामा दोषी ठहर गरेको हो ।

लाइसेन्स परीक्षा समितिको अध्यक्ष रहेका शाहीलाई एक वर्ष कैद र ४० हजार जरिवानाको फैसला गरेको बताइएको छ ।

विशेष अदालतले परीक्षाको परिणाम फेरबदल गरेको कसुरमा उनलाई थप १० महिना कैद र आठ हजार जरिवाना सजाय हुने फैसला गरेको छ । यस्तै पवनकुमार रावल र नरेन्द्रकुमार कडरियालाई भने विशेष अदालतले सफाइ दिएको छ ।