एजेन्सी । मेक्सिकोका नागरिकले इतिहासमा पहिलो पटक राष्ट्रपतिमा महिलालाई निर्वाचित गरेका छन् ।

आज सकिएको मतगणनामा क्लाउडिया शेनबाम लगभग ६० प्रतिशत मतका साथ विजयी भएकी हुन् ।

मेक्सिको सिटीका पूर्व मेयर समेत रहनुभएकी शेनबामले ५८ देखि ६० प्रतिशत मत प्राप्त गरेको देखिएको छ । निर्वाचन आयोगले अन्तिम परिणाम भने घोषणा गरेको छैन ।

अहिले निर्वाचित भएकी शेनबामले आउँदो अक्टोबरको १ तारिखदेखि कार्यभार सम्हाल्ने छिन् ।