बाँके । बाँके प्रहरीले राँझा विमानस्थलबाट १८ लाख रुपियाँ बराबरको मोबाइलको कम्बो डिस्प्ले बरामद गरेको छ ।

नेपालगन्ज उपमहानगरपालिका २० स्थित राँझा विमानस्थलबाट प्रहरीले शुक्रबार १८ लाख रुपियाँ बराबरको खरिद बिक्रीको बिल बिजक नभएको सात सय २० थान मोबाइलको कम्बो गिस्प्ले बरामद गरेको हो ।

खरिद बिक्री बिल बिना नै नेपालगन्जबाट काठमाडौँ विमानमार्फत कुरियर गरेर पठाउन लागिएको अवस्थामा मोबाइलको कम्बो डिस्प्ले बरामद गरिएको जिल्ला प्रहरी कार्यालय बाँकेले जनाएको छ ।

पठाउने व्यक्तिका बारेमा अनुसन्धान गरेर कारबाही प्रक्रिया अगाडी बढाइने बाँके प्रहरीको भनाई छ ।