काठमाडौं । लागूऔषध नियन्त्रण ब्यूरोले खैरो हेरोइनसहित दुई जनालाई पक्राउ गरेको छ ।

पक्राउ पर्नेमा झापाका जाहिर आलम र झापाको गौरीगन्ज गाँउपालिका बस्ने अन्जिला खातुन रहेका छन् ।

जाहिरले भारतबाट खुल्ला सिमाना हुंदै काठमाडौंसम्म खैरो हिरोईन ओसार पसार गर्ने गरेका थिए।

ब्यूरोबाट खटिएको टोलीले खैरो हेरोईन कारोवार गर्ने जाहिर र खातुनलाई १९७ ग्राम खैरो हेरोईन बरामद गरेको थियो ।

आलम पैसा लिन भनेर काठमाडौं आएको सूचना पाएपछि उनलाई पक्राउ गरिएको हो ।

खातुनले भारतदेखि उक्त लागुऔषत बोकेर बसमा काठमाडौं आएकी हुन् ।

आलमले खातुनलाई भरियाको रूपमा प्रयोग गरेको प्रहरी अनुसन्धानबाट खुलेको छ ।

त्यस्तै, ब्यूरोले कागेश्‍वरी मनोहरा नगरपालिका-८ गोठाटारस्थित चेत बहादुर रम्तेलको डेरा कोठाभित्र खान तलासी गर्ने क्रममा लागूऔषध खैरो हेरोईन ११८ ग्राम, डिजिटल तराजु १ थान र नगद २ लाख ८० हजार बरामद गरेको छ ।