काठमाडौं । काठमाडौं उपत्यकाको आजको तापक्रम बढेर ३३ डिग्री सेल्सियस पुगेको छ ।

विगत केही दिनयतादेखि बढ्दै गइरहेको काठमाडौं उपत्यकाको तापक्रम आज ३३ डिग्री सेल्सियस पुगेको हो ।

मनसुन नेपाल आइपुग्न अझै एक हप्ता लाग्ने भएकाले तापक्रम अझै बढ्नसक्ने मौसमविद् प्रतिभा मानन्धरले बताईन् ।

आज यहाँको तापक्रम ३१ देखि ३३ डिग्री सेल्सियसबीच रहने विभागले पूर्वानुमान गरेको थियो ।

अहिले दिपायलमा ३६ दशमलव ६ डिग्री, धनगढीमा ४१ डिग्री, साडेपानीमा ४२ दशमलव ५, नेपालगञ्जमा ४१ दशमलव २ र भैरहवामा ३८ दशमलव ६ डिग्री सेल्सियस मापन गरिएको छ ।