काठमाडौं । क्रिकेटर सन्दीप लामिछानेलाई अमेरिकाले भिसा दिनुपर्ने माग राख्दै युवाहरूले काठमाडौंमा प्रदर्शन गरेका छन् ।

अमेरिकामा हुने टी-२० विश्वकप क्रिकेटमा सहभागी हुन सन्दीपलाई भिसा दिनुपर्ने भन्दै काठमाडौंस्थित अमेरिकी दूतावासलाई दबाब दिनका लागि युवाहरूले प्रदर्शन गरेका हुन् ।

भिसाका लागि दबाब सिर्जना गर्न समर्थकहरूले महाराजगञ्जस्थित अमेरिकी दूतावासमा जाने तयारी गरेका छन् ।

अदालतले निर्दोष सावित गरिसकेका खेलाडीलाई विश्वकप खेल्नबाट रोकिएको भन्दै उनीहरूले आक्रोश व्यक्त गरेका छन् ।