काठमाडौं । भारतको सिक्किमका सिमियोन सुकिता राईले ‘द पोएट आइडल सिजन-२’को उपाधि जितेका छन् ।

शनिबार राति सम्पन्न फाइनलमा अन्य तीन प्रतिस्पर्धीहरुलाई भोटमा पछि पार्दै राईले उपाधि जितेका हुन् ।

जितसँगै उनले नगद १० लाख र विभिन्न गिफ्ट ह्याम्पर पनि पाए ।

‘पोएट आइडल’मा उपेन्द्र सुब्बा, विप्लव प्रतीक, अनुप बराल र केकी अधिकारी निर्णायक थिए ।

पहिलो सिजनको उपाधि पनि सिक्किमकी निलम गुरुङले जितेकी थिइन् ।