काठमाडौं । नेपाली कांग्रेसको भ्रातृसंस्था नेपाल तरुण दलको अगुवाइमा काठमाडौंमा राँके जुलुस निकालिएको छ ।

उपप्रधान एवं गृहमन्त्री रवि लामिछानेमाथि संसदीय छानबिनको माग गर्दै तरुण दलले शनिबार प्रदर्शनी मार्गमा राँके जुलुस निकालेको हो ।

पार्टीले आइतबार काठमाडौंमा गर्न लागेको बृहत् प्रदर्शनको पूर्वसन्ध्यामा तरुण दलले सरकारविरुद्ध नारबाजी गर्दै राँके जुलुस निकालेको हो ।

कांग्रेसले आइतबार काठमाडौंको भृकुटीमण्डपमा सरकारविरुद्ध बृहत् प्रदर्शन गर्ने तयारी गरेको छ ।