काठमाडौं । नेपालमा पुन कोभिड-१९ को नयाँ भेरियन्ट देखिएको छ । राष्ट्रिय जनस्वास्थ्य प्रयोगशालाले केही महिनायताको कोरोना पोजेटिभ आएका ४० नमूनाको जिन सिक्वेन्सिङ गर्दा ४२ प्रतिशतको हाराहारीमा ‘केपी.१ र केपी.२’ पुष्टि भएको हो ।

राष्ट्रिय जनस्वास्थ्य प्रयोगशालाकाअनुसार गएको दुई महिनायता देशभर ४२ जनामा कोरोना संक्रमण देखिएको थियो।

ती ४२ नमूनाको जिन सिक्वेन्सिङ गर्दा १२ जनालाई केपी.१, १७ जनामा केपी.२ र एकरएक जनामा केपी.३ र केपी.४ भेरियन्ट देखिएको प्रयोगशालाले जनाएको छ।

यी सबै ओमिक्रोनको सब-भेरियन्ट हो । यो ओमिक्रोको सवभेरियन्ट ‘केपी.१’, ‘केपी.२’ कति घातक छ भन्ने यकिन हुन बाँकी छ ।

तर विज्ञका अनुसार प्रारम्भिक अध्ययनबाट कम घातक मानिए पनि जेष्ठ नागरिक र दीर्घरोगीलाई भने अस्पताललै पुर्‍याउन सक्ने बताइएको छ ।

विश्व स्वास्थ्य संगठनले पनि संक्रमण घातक नभए पनि दीर्घरोगी र बालबालिका सचेत हुनुपर्ने जनाएको छ । ओमिक्रोन अरू भेरियन्टभन्दा कम घातक रहेका कारण जटिलता कम हुने विज्ञहरु बताउँछन् ।