कैलाली । कैलालीमा अनैतिक क्रियाकलापमा संलग्न होटल सञ्चालकसहित तीनजना पक्राउ परेका छन् ।

जिल्लाको गोदावरी नगरपालिका-२ अत्तरिया स्थित डोटी दिपायल होटलबाट प्रहरीले अनैतिक क्रियाकलापमा संलग्न होटल सञ्चालकसहित दुई युवक र एक युवतीलाई पक्राउ गरेको हो ।

अपराध अनुसन्धान शाखाबाट खटिएको बिशेष टोलीले उनीहरुलाई अनैतिक क्रियाकलाप गराएको अवस्थामा फेला पारी पक्राउ गरेको इलाका प्रहरी कार्यालय मालाखेतीले जनाएको छ ।

उनीहरुमाथि प्रहरीले थप अनुसन्धान थालेको छ ।