कालीकोट । कालीकोटमा जिप दुर्घटना हुँदा ७ जना घाइते भएका छन् ।

सुर्खेतबाट हाउडीतर्फ आउँदै गरेको कर्णाली प्रदेश ०२–००१ च ०७९७ नम्बरको जिप दैलेख हाउडी जोड्ने दबिरा सडकखण्डको हाउडी खोलानजिकै दुर्घटनामा परेको हो ।

घाइते हुनेहरू सबै शुभकालिकाकै रहेको जिल्ला प्रहरी कार्यालय कालीकोटले जनाएको छ ।

घाइतेलाई स्थानीय सुकाटिया स्वास्थ्य चौकीमा प्राथमिक उपचारपछि सदरमुकाम मान्मस्थित जिल्ला अस्पताल पठाइएको छ ।