हेटौंडा । गृहमन्त्री रवि लामिछाने हेटौंडामा भएको बागमती प्रदेशस्तरीय सुरक्षा गोष्ठीमा सहभागी भएका छन् ।

गृहमन्त्रीलामिछाने गृह मन्त्रालय र बागमती प्रदेश आन्तरिक मामिला तथा कानून मन्त्रालयको संयुक्त आयोजनामा गरिएको प्रदेशस्तरीय सुरक्षा गोष्ठीमा सहभागी भएका हुन् ।

सुरक्षा गोष्ठीलाई सम्बोध गर्दै गृहमन्त्री लामिछानेले गोष्ठीका निष्कर्ष र योजना अक्षरशः पालना गर्दै नागरिकलाई तत्काल परिवर्तनको आभाष दिने गरी काम गर्न जिल्ला सुरक्षा समितिका सदस्यहरूलाई निर्देशन दिएका थिए ।

मंगलबार र बुधबार भएको गोष्ठीमा गृह मन्त्रालयका उच्च अधिकारी, नेपाल प्रहरी, सशस्त्र प्रहरी बल र राष्ट्रिय अनुसन्धानका प्रमुखसहित वागमती प्रदेशका सबै जिल्लाका सुरक्षा अधिकारी सहभागी थिए।