काठमाडौं । कान्तिपुर ग्रुपका अध्यक्ष कैलाश सिरोहिया पक्राउ परेपछि कर्मचारीहरुले नाराबाजी गरेका छन् । कान्तिपुर पब्लिकेसन्सका कर्मचारीले गृहमन्त्री रवि लामिछानेविरुद्ध नाराबाजी गरेका हुन् ।

उनलाई सीआईबीले कायालयबाटै पक्राउ गरेपछि कर्मचारीहरु आक्रोशमा आएर नाराबाजी गरेका थिए ।

सिरोहियालाई नियन्त्रण गरी उनकै गाडीमा लगिएको छ । नागरिकता किर्ते प्रकरणमा सिरोहियाविरुद्ध जिल्ला अदालत धनुषाले पक्राउ पूर्जी जारी गरेको थियो।

उनलाई पक्राउ गर्न काठमाडौं उपत्यका अपराध अनुसन्धान कार्यालयका प्रमुख सानुराम भट्टराईको टोली कान्तिपुरको हेडक्वाटर पुगेको थियो ।