मोरङ । जिल्ला कारागार मोरङमा रहेका एक जना कैदीको मृत्यु भएको छ ।

लागूऔषध मुद्दामा अदालतबाट दोषी ठहर भएका मोरङको पथरीशनिश्चरे नगरपालिका–१० का धनबहादुर थापाको मृत्यु भएको हो।

थापालाई उपचारका लागि विराटनगरको कोशी अस्पताल लगिएको थियो ।

लगत्तै चिकित्सकले मृत घोषित गरेको जिल्ला कारागार मोरङले जनाएको छ ।

थापालाई लागूऔषध मुद्दामा जिल्ला अदालत मोरङले २०८० फागुन १० गते दोषी ठहर गरेको थियो ।

अदालतले उनलाई २ वर्ष कैद सजायको फैसला गरेको थियो ।