काठमाडौं । नेपाली कांग्रेसको विरोधकाबीच प्रधानमन्त्री पुष्पकमल दाहाल ‘प्रचण्ड’ले विश्वासको मत लिएपछि कांग्रेसले संसदीय दलको आकस्मिक बैठक बोलाएको छ ।

साढे १ बजे बानेश्वरस्थित ल्होत्से हलमा बस्ने गरी प्रमुख प्रतिपक्षी कांग्रेसले आकस्मिक बैठक बोलाएको हो ।

सहकारी ठगी प्रकरणमा गृहमन्त्रीको संलग्नता रहेको भन्दै कांग्रेसले संसदीय छानबिन समिति गठन नभएसम्म संसद बैठक चल्न नदिने अडान लिएको थियो ।

तर कांग्रेस वेल घेराउमा उत्रिए पनि उनीहरूलाई घेरेर प्रधानमन्त्रीले विश्वासको मत लिएका हुन् ।

यसअघि बिहान बसेको संसदीय दल बैठकले गृहमन्त्री रवि लामिछानेमाथि संसदीय समितिको बटमलाइन दोहोर्‍याएको थियो ।