काठमाडौं । सरकारले सम्पत्ति शुद्धीकरण अनुसन्धान विभागको जिम्मेवारी कमलराज भट्टराईलाई दिएको छ ।

प्रधानमन्त्री तथा मन्त्रिपरिषदको कार्यालयले विभागको महानिर्देशकमा भट्टराईलाई पठाएको हो ।

भट्टराई गत सातामात्रै संघीय मामिला तथा सामान्य प्रशासन मन्त्रालयबाट प्रधानमन्त्री तथा मन्त्रिपरिषद्को कार्यालयमा सरुवा भएका थिए ।

यसअघि नै हङकङका महावाणिज्यदूत र भन्सार विभागका महानिर्देशक चलाइसकेका भट्टराईलाई सम्पत्ति शुद्धीकरणको महानिर्देशकको जिम्मेवारी दिइएको हो।

विभागका महानिर्देशक पुष्पराज शाही विवादमा परेपछि शाही मन्त्रालयमा तानिएका छन्।