एजेन्सी । अमेरिकी राष्ट्रपति जो बाइडेन र डोनाल्ड ट्रम्प राष्ट्रपतीय बहसका लागि सहमत भएका छन् ।

अमेरिकी सञ्चारमाध्यमहरूका अनुसार बाइडेन र ट्रम्पबीच जुन र सेप्टेम्बरमा दुई वटा बहस हुने भएका हुन् ।

सीएनएनले जुन २७ मा एटलान्टामा पहिलो बहस सञ्चालन गर्नेछ । त्यस्तै दोस्रो बहस सेप्टेम्बर १० मा एबीसीले गर्ने भएको छ ।

बुधबार मात्र अमेरिकी राष्ट्रपति बाइडेनले ट्रम्पलाई दुई वटा बहस गर्नका लागि प्रस्ताव गरेका थिए ।