संखुवासभा । संखुवासभा प्रहरीले कटुवा पेस्तोलसहित एक जनालाई पक्राउ गरेको छ ।

पक्राउ पर्नेमा चैनपुर नगरपालिका-१ नुनढाकी लिवाङ्टारका नैनबहादुर लिम्बुको घरमा बस्दै आएका दिलकुमार चोङवाङ रहेका छन् ।

उनलाई प्रहरी चौकी नुनढाकी, संखुवासभाको प्रहरी टोलीले एक थान कटुवा पेस्तोलसहित पक्राउ गरेको हो ।

दिलकुमारले हतियार बोकेर हिँडडुल गर्ने गरेको सूचनाको आधारमा चोङवाङलाई आइतबार प्रहरीले पक्राउ गरेको थियो ।

बरामद भएको कटुवा पेस्तोलसहित चोङवाङविरुद्व मुलुकी अपराध संहिता, २०७४ को हातहतियार तथा खरखजना सम्बन्धी कसूरमा जिल्ला अदालत चैनपुरबाट म्याद थप गरेर अनुसन्धान अघि बढाएको प्रहरीले जनाएको छ ।