काठमाडौं । चर्चित चिनियाँ अभिनेतृ डायना पेंगसहितको टोली नेपाल भ्रमणमा आएको छ ।

सिल्करोड इन्टरनेसनल कोअपरेसन अर्गनाइजेसनको निम्तोमा टोली नेपाल आइपुगेको हो ।

उनीहरु शनिबार राती स्वदेश फर्कने कार्यक्रम छ ।

संस्थाकी नेपाल प्रतिनिधि सपना दाहालका अनुसार पेंगको उक्त भ्रमण टोलीले शुक्रबार प्रधानमन्त्रीका सल्लाहकारहरु, लगानी बोर्डका अधिकारीसँग भेट गर्दै सम्भावित लगानीबारे छलफल गरेको छ ।

अभिनेतृ पेंग र चलचित्र विकास बोर्डका अध्यक्ष भुवन केसीबीच शुक्रबार लाजिम्पाटस्थित होटल एम्बेसडरमा छलफल भएको थियो ।

यी चर्चित चिनियाँ अभिनेतृले ६० भन्दा बढी चिनियाँ फिल्म र टेलिभिजन सिरिजमा अभिनय गरेकी छन् ।

उनी द इम्प, द सिक्स डेभिल वुमन, चाइनिज चकलेट, इरोटिक घोस्ट स्टोरी स् परफेक्ट म्याच, मिडनाइट कलर, इभिल इन्स्टिंक्ट, द एचके ट्रायड जस्ता फिल्मका लागि परिचित छिन् ।