बाँके । बाँकेको कोहलपुरस्थित चप्पलगौँडामा गोली चलेको छ ।

लागूऔषध नियन्त्रण ब्यूरोको टोलीले लागूऔषध कारोबारीलाई नियन्त्रणमा लिने क्रममा गोली चलाएको हो।

ब्यूरोको टोलीले कारोबारी सुशील परियारलाई नियन्त्रणमा लिने क्रममा गोली चलाएको प्रहरी स्रोतले बतायो ।

परियारसहित सोही ठाउँका २७ वर्षीय प्रमोद कार्की पनि पक्राउ परेका छन् ।

कारोबारी भाग्न खोजेपछि प्रहरीले गोली चलाएको ब्यूरो स्रोतले बतायो ।

परियारलाई नियन्त्रणमा लिने क्रममा एक राउण्ड गोली चलेको थियो।

कारोबारीको साथबाट ११० ग्राम ब्राउन सुगर बरामद समेत भएको ब्यूरोले जनाएको छ ।