एजेन्सी । टिकटकले मंगलबार एक अमेरिकी अदालतमा मुद्दा दर्ता गरेको छ ।

हालै अमेरिकामा ल्याइएको कानुन असंवैधानिक भएको जनाउँदै टिकटकले अमेरिकी अदालतमा मुद्दा दर्ता गरेको हो ।

अमेरिकाले हालै टिकटकलाई गैरचिनियाँ कम्पनीलाई बेच्नुपर्ने नत्र अमेरिकामा बन्द गरिने कानुन ल्याएको थियो ।

सो कम्पनीले दायर गरेको मुद्दामा अमेरिकी नयाँ कानुन स्वतन्त्र अभिव्यक्तिमाथिको असाधारण घुसपैठ भएको र यसका प्रयोगकर्ता १७० मिलियन अमेरिकीलाई पनि असर गरेको जनाएको छ ।

टिकटकले आफ्नो व्यापार प्रष्ट भएको र सरकारले निजी रूपमा सिर्जना गरिएको स्पीच फोरमको स्वामित्वको बारेमा हुकुम जारी गर्न नसक्ने जनाएको छ ।