काठमाडौं । बागमती प्रदेशका मुख्यमन्त्री शालिकराम जम्कट्टेलको स्वास्थ्यमा सुधार आएको छ।

थापाथलीस्थित नर्भिक अस्पतालमा उपचार गराइरहेका मुख्यमन्त्री जम्कट्टेलको स्वास्थ्यमा क्रमिक सुधार आएको हो ।

स्वास्थ्यमा समस्या देखिएपछि उनलाई सिन्धुलीको सुनकोसी गाउँपालिकाबाट हेलिकोप्टरमार्फत काठमाडौं ल्याइएको थियो।

रामेछापको कार्यक्रममा सहभागी भएर सिन्धुलीको सुनकोसी गाउँपालिका पुगेका मुख्यमन्त्री जम्कट्टेलको स्वास्थ्यमा समस्या देखिएको थियो।

प्रेसर र सुगरको लेवल घटेपछि सुनकोसी गाउँपालिका ७ स्थित आत्मीय सामुदायिक अस्पतालमा प्राथमिक उपचारपछि उनलाई काठमाडौं ल्याइएको हो।