एजेन्सी । ‘टाइटानिक’ र ‘लर्ड अफ द रिङ्स’ जस्ता ब्लकबस्टर हलिउड फिल्मका अभिनेता बर्नार्ड हिलको निधन भएको छ ।

उनी सन् १९९७ को फिल्म ‘टाइटानिक’मा क्याप्टेन एडवर्ड जोन स्मिथको भूमिकाको लागि परिचित छन् ।

हिलको ७९ वर्षको उमेरमा निधन भएको हो । टाइटानिक बाहेक उनले टेलिभिजन सिरियल र थिएटरमा पनि धेरै काम गरेका छन् ।

‘लर्ड अफ द रिङ्स’मा उनले राजा थियोडेनको भूमिकाको लागि पनि धेरै प्रशंसा पाएका थिए ।

बर्नार्ड हिल ११ ओस्कार अवार्ड जित्ने दुई फिल्महरु ‘टाइटानिक’ र ‘द लर्ड अफ द रिङ्स’मा हिस्सा रहिसकेका छन् ।