काठमाडौं । मंगलबार राती काठमाडौं महानगरपालिका–२८ पुतलीसडकमा भ्यानसँग ठोक्किदा घाइते भएका मोटरसाइकल चालकको मृत्यु भएको छ ।

सडक दुर्घटनामा परी गम्भीर घाइते भएका देउलालाई उपचारका लागि राष्ट्रिय ट्रमा सेन्टर पठाइएको थियो । उनको उपचारकै क्रममा मृत्यु भएको प्रहरीले जनाएको छ ।

मृत्यु हुनेमा बागमती प्र०२–०२७ प ८२८० नम्बरको मोटरसाइकलका चालक २३ वर्षीय शाहिल देउला छन् ।

देउलाको मोटरसाइकल र बा २१ च ६४४८ नम्बरको पिकअप भ्यान मंगलबार राति पुतलीसडकमा ठोक्किएका थिए ।

प्रहरीले पिकअप भ्यानका चालकलाई नियन्त्रणमा लिएको छ ।