काठमाडौं । महानगरीय प्रहरी वृत्त थिमिले डलर देखाएर ठगेको आरोपमा दुई जनालाई पक्राउ गरेको छ ।

पक्राउ पर्नेमा सिन्धुपाल्चोकको बाह्रबिसे नगरपालिका–२ घर भएका २९ वर्षीय सरोज तामाङ र ३६ वर्षीय राज कुमार तामाङ छन् ।

उनीहरूले २०८० चैत १ मा भक्तपुरको लोकन्थलीमा डलर साट्ने बहाना बनाएर ३ लाख ५० हजार ठगेर भागेको आरोप छ ।

आरोपीहरू विरुद्ध ओखलढुङ्गा घर भएर बुढानीलकण्ठ बस्ने ३२ बर्सिया हिरुमाया मगरले उजुरी दिएकी छन् ।

घटनाबारे प्रहरी वृत्त थिमीले अनुसन्धान गरिरहेको छ । पक्राउ परेका आरोपीहरुविरुद्ध यसअघि पनि ठगी र अभद्र व्यवहार मुद्दामा प्रहरीले अनुसन्धान गरेको थियो ।