धनगढी। प्रधानमन्त्री पुष्पकमल दाहाल ‘प्रचण्ड’ ले वर्तमान समीकरण पूरै अवधि जाने प्रष्ट पारेका छन् ।

आज विहान धनगढी एयरपोर्ट पुगेका प्रधानमन्त्री प्रचण्डले यस्तो बताएका हुन् । उनले बाहिर बजारमा यो गठबन्धन लामो समय नटिक्ने भन्दै भइरहेका चर्चा अनावश्यक भएको बताए ।

प्रधानमन्त्री प्रचण्डले भने, ‘बाहिर बजारमा विभिन्न चर्चा परिचर्चा भएपनि त्यस्तो केही छैन । पूरै अवधि जान्छ अहिलेको समीकरण।’

प्रदेशमा सरकार बनाउने प्रक्रिया अन्तिम चरणमा पुगेको प्रधानमन्त्री प्रचण्डको भनाई छ । अब कोशी प्रदेशमा मात्र बाँकी मुख्यमन्त्री चुन्न बाँकी रहेको भन्दै प्रधानमन्त्री प्रचण्डले स्थिरतातर्फ सरकार अघि बढेको बताए।

अहिलेको सत्ता गठबन्धनलाई वामपन्थी एकता नभई सत्ता समीकरणको रूपमा लिइएको प्रधानमन्त्रीको भनाइ छ । तर, समझदारी राम्रो बन्दै गए वाम एकताको सम्भावना उनले देखाए ।