काठमाडौं । एसीसी प्रिमियर कप टी–२० क्रिकेट प्रतियोगितामा तेस्रो स्थानका लागि हङकङविरुद्धको खेलमा नेपालले दोस्रो विकेट गुमाएको छ ।

नेपालका तेस्रो नम्बरमा ब्याटिङ गर्न आएका सोमपाल कामी १२ रन बनाएर आउट भएका छन् ।

उनलाई हङकङका आयुश शुक्लाले आउट गरेका हुन् । उनको यो व्यक्तिगत दोस्रो विकेट हो ।

खेलमा नेपालले टस जितेर पहिले ब्याटिङ रोजेको थियो । पहिलो सेमिफाइनल खेल युएईबाट नेपालले टोलीमा परिवर्तन गरेको छैन ।

नेपाल युएईसँग ६ विकेट तथा हङकङलाई ओमानसँग ५ विकेटले पराजित हुँदै सेमिफाइनलबाट बाहिरिएका थिए ।