मकवानपुर । गैंडाको आक्रमणबाट मकवानपुरमा एक जना युवक घाइते भएका छन ।

मकवानपुरको मनहरी गाउँपालिका–७ मनहरी खोलामा गैंडाको आक्रमणबाट स्थानीय रमेश बोटे घाइते भएका हुन् ।

सोमबार बिहान खेतमा पानी लगाउन गएका बेला बोटेलाई गैंडाले आक्रमण गरेको हो ।

गैंडाको आक्रमणबाट बोटेको ढाड र अनुहारमा चोट लागेको छ ।

मनहरी अस्पतालमा सामान्य उपचारपछि थप उपचारका निम्ति भरतपुर अस्पताल लगिएको जिल्ला प्रहरी कार्यालय मकवानपुरले जनाएको छ ।