धनुषा । धनुषाको हंसपुरमा गहुँ खेतमा महिलाको शव भेटिएको छ ।

धनुषाको हंसपुर नगरपालिका-७ की ५५ वर्षीया शुभ देवी मण्डलको शव गहुँ खेतमा फेला परेको हो ।

धनुषाकै सहिदनगर नगरपालिका-४ ननुपट्टी गएकी मण्डल शनिबार साँझ ७ बजदेखि सम्पर्कविहीन थिइन् ।

उनको शव आज बिहान सवा ९ बजेतिर गाउँनजिकै गहुँ खेतमा फेला परेको प्रहरीले जनाएको छ ।

मृतक मण्डलको शरीरको विभिन्न भागमा घाउचोट देखिएको छ । कसैले उनको हत्या गरेर खेतमा फालेको हुन सक्ने प्रहरीको आशंका छ ।

साँझदेखि हराइरहेको उनको खोजतलासको क्रममा हत्या गरेको अवस्थामा शव फेला परेको हो ।