डोल्पा । डोल्पामा आगलागीमा परेका एक बालकको मृत्यु भएको छ ।

सामुदायिक वनमा आगलागीमा हुँदा घाइते भएका १० वर्षका सूलज बुढाको मृत्यु भएको हो ।

जिल्ला अस्पताल डोल्पामा उपचारका क्रममा बुढाको मृत्यु भएको प्रहरीले जनाएको छ ।

बाँकी दुईजनाको थप उपचारका लागि काठमाडौं पठाउने तयारी भएकोछ। गाउँ नजिक रहेको उक्त वनमा बिहीबार बिहान गुच्ची च्याउ टिप्न गएका बालबालिका अपराह्न गम्भीर घाइते भएका हुन् ।

उनीहरूलाई उद्धार गरेर साँझम जिल्ला अस्पताल पुर्याइएको थियो । त्रिपुरासुन्दरी नगरपालिकाले घाइते बालबालिकाको उपचारका लागि काठमाडौं लैजान हेलिकप्टरको व्यवस्थाको गरेको छ ।

गत मङ्गलबार डोल्पाको ठुलीभेरी नगरपालिका–४ मा रहेको मष्टा सामुदायिक वनमा लागेको आगो निभाउने क्रममा घाइते भएका चारजना नेपाली सेनाका जवानमध्ये तीन जनाको मृत्यु भएको थियो ।