एजेन्सी । युक्रेनका ऊर्जा केन्द्रलाई निशाना बनाउने क्रममा रुसले किएभनजिकैको ट्रिपिलिया पावर प्लान्टमा भिषण हमला गरेको छ ।

ऊर्जा कम्पनी सेन्ट्रेनिग्रोका निर्देशक एन्ड्रिय होटाका अनुसार स्थानीय समयअनुसार बिहीबार बिहान भएको हवाई आक्रमणमा ट्रान्सफर्मर, टर्बाइन, जेनेरेटर पूर्ण रुपमा ध्वस्त भएका छन् ।

उनले ऊर्जा केन्द्रको विनाश डरलाग्दो रहेको बताए । यो युक्रेनका ३ वटा क्षेत्र झाइतोमिर, चेर्कासी र किएभमा विद्युत उपलब्ध गराउने ठूलो पावर प्लान्ट हो ।

यो पावर प्लान्ट किएभबाट ५० किलोमिटर दक्षिणमा पर्छ । आक्रमणका बेला कार्यरत कर्मचारी भने सुरक्षित भाग्न सफल भएको बताइएको छ ।