काठमाडौं । उपप्रधान तथा गृहमन्त्री रवि लामिछानेमाथि कांग्रेसले संसदीय छानबिनको अडान कायम राखेपछि बालुवाटारमा बसेको बैठक दलहरूको बैठक निष्कर्षविहीन भएको छ ।

मंगलवार बस्ने प्रतिनिधि सभाको बैठकअघि प्रधानमन्त्री पुष्पकमल दाहाल प्रचण्डले सभामुख देवराज घिमिरेसहितको बैठक राखेका थिए ।

कांग्रेसले आफ्नो अडान कायमै राखेपछि बैठक विनानिष्कर्ष सकिएको हो ।

सदनको अवरोध खुलाउने उपायबारे छलफल गर्न नेपाली कांग्रेसका महामन्त्री गगन थापा र नेता कृष्णप्रसाद सिटौला बालुवाटार पुगेका थिए ।

बैठकमा एमाले अध्यक्ष केपी शर्मा ओली, रास्वपा सभापति तथा गृहमन्त्री रवि लामिछानेलगायतका शीर्ष नेता पनि छलफलमा थिए ।

तर, कुनै सहमति बन्न सकेन । बैठकमा कांग्रेसले गृहमन्त्री लामिछानेमाथि सहकारी प्रकरणमा छानबिन गर्न संसदीय समिति गठन गर्नैपर्ने अडान दोहोर्‍याएको छ ।