काठमाडौं । एसएमस फ्रेन्डसिप कपमा नेपालले गुजरातलाई १७७ रनको लक्ष्य दिएको छ।

कप्तान रोहित कुमार पौडेलको अर्धशतमा नेपालले गुजरातलाई १७७ रनको लक्ष्य दिएको हो ।

नेपालले फाइनलमा टस जितेर पहिले ब्याटिङ गर्दै ४ विकेटको क्षतिमा १७६ रन जोड्यो नेपालका लागि कप्तान पौडेलले उत्कृष्ट ब्याटिङ गरे।

उनले ७४ रनको योगदान गरे। रोहितले ४७ बलमा ५ चौका र ४ छक्का प्रहार गरे। ओपनरद्वय कुशल भुर्तेलले १९ रन र आसिफ शेखले ३४ रन बनाए। दीपेन्द्रसिंह ऐरी ७ रनमा आउट हुँदा कुशल मल्लले १३ बलमा नटआउट ३१ रन जोडे।

कुशलले २ चौका र २ छक्का प्रहार गरे। सन्दीप जोराले ३ बल खेल्दा १ चौका प्रहार गर्दा नटआउट ७ रन बनाए। सिरिजको फाइनल खेलमा नेपाली टिममा अघिल्लो खेल खेलेका चार खेलाडी परिवर्तन गरिएको छ।

जसमा आकास चन्द, प्रतिश जिसी, ललित राजवंशी र अनिल साह टिममा छैनन्। खेलमा रोहित पौडेल, सोमपाल कामी, अभिनास बोहरा र आसिफ शेख टिममा फर्किएका छन्।