काठमाडौं । रुसी सेनामा भर्ना भएका नेपालीका परिवारले आफ्ना आफन्तलाई स्वदेश फिर्ताका लागि पहल गरिदिन गृह मन्त्रालयसमक्ष अनुरोध गरेका छन् ।

शुक्रबार उपप्रधान एवं गृहमन्त्री रवि लामिछानेसमक्ष केही पीडित परिवारले ११ बुँदे माग राखेका हुन् ।

उनीहरूले सकुशल उद्धार, मृतक आश्रित परिवारलाई उचित राहत, मृतक भनिएका तर पुष्टि नभएकोको अवस्था सार्वजनिक, बेपत्ताको खोजी, युक्रेनले युद्धबन्दी बनाएकाहरूको उद्धार र घाइतेको उचित उपचारलगायत विषयमा सरकारलाई गम्भीर हुन आग्रह गरेका हुन् ।

जवाफमा गृहमन्त्री लामिछानेले समस्याबारे आफू पूर्ण जानकार रहेको र अन्तरदेशीय समन्वय प्रभावकारी नहुँदा समस्या भएको बताए ।