काठमाडौं । नेपाल नागरिक उड्डयन प्राधिकरण तीनवटै अन्तर्राष्ट्रिय विमानस्थल प्रमुख परिवर्तन गरेको छ । प्राधिकरणका महानिर्देशक प्रदीप अधिकारीले बुधवार सरुवाको निर्णय गरेका हुन् ।

त्रिभुवन अन्तर्राष्ट्रिय विमानस्थल महाप्रबन्धकमा जगनाथ निरौलालाई जिम्मेवारी दिइएको छ भने भैरहवा अन्तर्राष्ट्रिय विमानस्थलमा प्रतापबाबु तिवारीलाई सरुवा गरिएको छ ।

निरौला प्राधिकरणका प्रवक्ता थिए भने तिवारी त्रिभुवन अन्तर्राष्ट्रिय विमानस्थलका महाप्रबन्धक थिए । भैरहवाका विमानस्थल प्रमुख हंसराज पाण्डे प्राधिकरणको मुख्य कार्यालयमा कर्पोरेट डाइरेक्टर भएका छन् ।

एक हप्ताअघि नै पोखरा विमानस्थल प्रमुख देव चन्द्रलाल कर्ण मुख्य कार्यालयमा सरूवा भई नविना कर्मचार्यलाई पोखराको महाप्रबन्धकको जिम्मेवारी दिइएको छ ।