काठमाडौं । त्रिकोणात्मक टी-२० क्रिकेट शृङ्खला खेल्न हाल भारत भ्रमणमा रहेको नेपाली टोलीले बुधबार खेलिएको खेलमा गुजरातलाई आठ रनले हराएको छ ।

जारी शृङ्खलामा नेपालले हासिल गरेको यो लगातार तेस्रो जित हो । नेपालले दिएको १८२ रनको लक्ष्य पछ्याएको गुजरातले निर्धारित ओभरको खेलमा ७ विकेट गुमाएर १७३ रनमात्र बनाउनसक्यो।

गुजरातका लागि उमंग रोहित कुमारले सर्वाधिक ४७ रन बनाए भने हर्ष के देसाईले २९ रन बनाए। नेपालका लागि कुशल मल्लले २ र सोमपाल कामीले २ विकेट लिए।

त्यसअघि नेपालले निर्धारित ओभरको खेलमा ७ विकेट गुमाएर १८१ बनाएको थियो। नेपालका लागि ओपनरद्वय कुशल भुर्तेल र आसिफ शेखले उत्कृष्ट पारी खेलेका थिए। कुशल ६७ रन र आसिफ ८५ रन बनाएर पेभेलियन फर्किएका थिए।

अन्य खेलाडीले दोहोरो अंकको रन जोड्न सकेनन्। नेपालले यसअघि गुजरात र बरोडालाई हराइसकेको छ।