काठमाडौं । आयरल्याण्ड वुल्भ्ससँग आज नेपालको ‘ए’ टिमले पहिलो एकदिवसीय सिरिज खेल्दैछ ।

टी–२० र एकदिवसीय शृङ्खलाका लागि आयरल्याण्ड वुल्भ्स नेपालमा रहेको छ ।

त्रिवि मैदान कीर्तिपुरमा नेपाल ‘ए’ र आयरल्याण्ड वुल्भ्सबीचको खेल आज बिहान साढे ९ बजेदेखि सुरू हुनेछ ।

त्रिवि मैदानमै भएको टी-२० सिरिजमा नेपाल १-२ ले पराजित भएको थियो।

टी-२० विश्वकप २०२४ को तयारीमा अभ्यास खेल अन्तर्गत आजदेखि यी दुई टिमले एकदिवसीय सिरिज खेल्न लागेका हुन्।

सिरिजको दोस्रो खेल चैत २३ र अन्तिम खेल चैत २५ गते हुनेछ।