पर्वत । पर्वतको जलजला गाउँपालिकामा गएराति श्रीमान र श्रीमतीको हत्या भएको छ।

सूर्यबहादुर क्षेत्री र उनकी श्रीमती कमला जिसीको धारिलो हतियार प्रहार गरी हत्या भएको हो ।

घटनास्थल म्याग्दीको बेनी नगरपालिका–९ गलेश्वर बजारदेखि कालीगण्डकी पारी रहेको छ।

मंगलबार बिहान पौने ११ बजेतिर प्रहरीलाई खबर भएको थियो।

जलजला गाउँपालिका २ स्थित एक घरमा श्रीमान् र श्रीमती मृत फेला परेको जिल्ला प्रहरी कार्यालय पर्वतले जनाएको छ ।

एक्लो ठाउँमा रहेको सो घरमा सूर्यबहादुर र उनकी श्रीमती मात्रै बस्थे।

लुटपाट गरेर हत्या गरेको हुन सक्ने अनुमान गरिएको छ। घटनास्थलमा प्रहरी टोलीले अनुसन्धान थालेको छ।