परासी । जिल्ला प्रहरी कार्यालय नवलपरासीले भोजपुरी भाषाको नागरिक वडापत्रसँगै नागरिक सहजकर्ता तोकेर नागरिकलाई सेवा दिन थालेको छ ।

सेवा प्रवाहलाई प्रभावकारी बनाउन प्रहरीले भोजपुरी भाषाको वडापत्र राखेको हो । जिल्लाका अधिकांश नागरिकले स्थानीय भाषाको रुपमा भोजपुरी बोल्दै आएका छन् ।

यसअघि रहेको नेपाली भाषाको नागरिक बडापत्रबाट नागरिकहरूले सेवासम्बन्धी जानकारी लिन समस्या भएको महसुस गरी भोजपुरी भाषाको वडापत्र राखिएको नवलपरासी प्रहरीले जनाएको छ ।

बडापत्रमा विभिन्न ३२ वटा सेवा प्रवाहसम्बन्धी जानकारी दिइएको छ ।

भाषाका कारण सेवा प्रवाहमा समस्या नहोस् भनेर वडापत्रसँगै नेपाली र भोजपुरी भाषा बुझ्ने (दोभाषे) दुई जना प्रहरी जवानलाई ‘नागरिक सहजकर्ता’ तोकेर सेवा सुरु गरिएको जिल्ला प्रहरी कार्यालय नवलपरासीले जनाएको छ ।