इलाम । उपप्रधानमन्त्री एवं गृहमन्त्री रवि लामिछानेले आगामी वैशाख १५ गते इलाम–२ मा हुने उपनिर्वाचनको तयारीबारे जानकारी लिएका छन्।

इलाम रहेका गृहमन्त्री लामिछानेले जिल्ला प्रशासन कार्यालय पुगेर यस्तो निर्देशन दिएका हुन् ।

गृहमन्त्री लामिछानेले निर्वाचन तयारीबारे जानकारी लिँदै भयरहित वातावरणमा मतदान हुने व्यवस्थाका लागि सुरक्षासहित सबै प्रबन्ध मिलाउन निर्देशन समेत दिए।

गृहमन्त्री लामिछानेले भने, ‘एक निर्वाचन क्षेत्रमा हुने भएकाले उपनिर्वाचनको तयारी र सुरक्षासहितका प्रबन्धमा स्रोतसाधनको अभाव नहुने भएकाले तयारीदेखि परिणाम घोषणासम्म मिहिन र अनविश्वसनीय योजना बनाउनु होला।’

नागरिकलाई सेवा दिनु राज्यको कर्तव्य भएको उल्लेख गर्दै उनले नागरिकले कुनै पनि कुरामा गुनासो गर्ने स्थिति आउन नदिन निर्देशन दिए।