काठमाडौं । उपप्रधान तथा गृहमन्त्री रवि लामिछाने र नेपालका लागि बेलायती राजदूत रोब फेनबीच भेटवार्ता भएको छ ।

गृहमन्त्री लामिछाने र बेलायती राजदूत फेनबीच सिंहदरबारमा भेटवार्ता भएको हो ।

भेटमा दुई देशको सम्बन्ध र आगामी दिनमा नेपाल र बेलायतबीच गर्न सकिने सहकार्यका क्षेत्रबारे छलफल भएको गृहमन्त्री लामिछानेको सचिवालयले जनाएको छ।

गृहमन्त्री लामिछानेलाई भेट्न नेपालका लागि बेलायती राजदूत फेन सिंहदरबार पुगेका थिए ।