काठमाडौं । सेयर बजार परिसूचक नेप्सेमा मंगलबार केही सुधार देखिएको छ ।

कारोबार सुरु भएदेखि नै बढ्न थालेको नेप्से परिसूचक अन्तिमसम्ममा १०.१४ अंकले बढेर बन्द भएको हो ।

नेप्से परिसूचक १०.१४ अंकले बढेर २०४१.७० विन्दुमा अडिएको छ। यसदिन ३१० कम्पनीको ६८ लाख ४२ हजार ३९२ कित्ता सेयर २ अर्ब ३५ करोड ४३ लाख ४८ हजार ५०३ रुपैयाँमा खरिदबिक्री भए।

अघिल्लो दिन सोमबार २ अर्ब ४८ करोड मूल्य बराबरको सेयर कारोबार भएको थियो। दोहोरो अंकले बढेको बजारमा दुई कम्पनीको मूल्य सकारात्मक सर्किट लेभलमा कारोबा भयो।

डोल्टी पावर र सर्वोत्तम सिमेन्टको सेयर मूल्य सकारात्मक सर्किट लेभलमा कारोबार भएको हो। वीन नेपाल लघुवित्त वित्तीयको ९.४३ प्रतिशतले बढ्दा पिपुल्स पावरको ७.७३,थ्री स्टर हाइड्रोपावरको ६.७६ प्रतिशतले बढ्यो।

सोनापुरको ८ करोड,जोशी हाइड्रोपावरको ८ करोड २९ लाख,गुराँस फाइनान्स ८करोड,हिमालयन रिइन्स्योरेन्सको ६ करोड मूल्य बराबरको सेयर कारोबार भयो।