ललितपुर । होली खेल्ने क्रममा दुई समूहबीच कुटाकुट हुँदा दुईजना युवाको मृत्यु भएको छ ।

ललितपुर महानगरपालिका-२६ ढोलाहिटीमा गएराति दुई समूहबीच कुटाकुट हुँदा दुई जनाको मृत्यु भएको हो ।

जिल्ला प्रहरी परिसर ललितपुरका अनुसार ज्यान गुमाउनेमा पाँचथरका २८ वर्षीय पुजन राई र सुनसरीका २७ वर्षीय रोबस राई रहेका छन् ।

पूजनको शव सुमेरु अस्पताल र रोबसको पाटनमा राखिएको छ । घटनामा संलग्न भएको आशंकामा १८ जनालाई धारिलो हतियारसहित पक्राउ गरिएको छ ।

घटनाबारे प्रहरीले थप अनुसन्धान थालेको छ ।