काठमाडौं । राष्ट्रिय भूमि आयोग खारेज गर्ने सरकारको निर्णयप्रति विघटित आयोगका पदाधिकारीले आपत्ति जनाएका छन् ।

शनिबार काठमाडौंमा पत्रकार सम्मेलन गरी विघटित आयोगका अध्यक्ष केशव निरौलाले सरकारको सो निर्णयको निन्दा गरेका हुन् ।

उनले सुकुम्वासीको समस्या समाधान हुन नदिने गरी सरकारले सो आयोग खारेज गरेको आरोप समेत लगाए ।

संविधानबमोजिमको सो आयोगलाई पूरा कार्यकाल काम गर्न नदिई सरकारले सुकुम्वासीका नाममा राजनीति गरिरहेको उनले जिकिर गरे ।