विराटनगर। कोशी प्रदेशका मुख्यमन्त्री केदार कार्कीले कोशीमा सहमतीय सरकार गठन गर्नुपर्ने बताएका छन्।

नेपाल क्षयरोग निवारण संस्थाको ४४ अ‍ौं केन्द्रीय सभाको वार्षिक अधिवेशनमा बोल्दै मुख्यमन्त्री कार्कीले यस्तो बताएका हुन् ।

मुख्यमन्त्री कार्कीले केन्द्रीय गठबन्धन फेरिँदैमा कोशी सरकार तलमाथि नहुने बताए ।

उनले संघीयतालाई स्थापित र संस्थागत गर्न कोशीमा सहमतीय र सर्वदलीय सरकार निर्माणको विकल्प नभएको बताए ।

मुख्यमन्त्री कार्कीले भने,‘पूर्व मुख्यमन्त्री हिक्मत कार्कीलगायत एमाले सांसदको समर्थनमा म मुख्यमन्त्री बनेको हुँ । एमालेकै भावना अनुसार सर्वदलीय सरकार बनाउन लागिपरेको छु।’

उनले पूर्वमुख्यमन्त्रीले दिएकै मन्त्र अनुसार सर्वदलीय सरकारलगायत विकास निर्माणसँगै बजेटसमेत कार्यान्वयनमा लगेको बताए ।

मुख्यमन्त्री कार्कीले संविधानअनुसार सरकार चल्ने बताए ।