कैलाली । कैलालीको हाटखोलीमा विस्फोटक पदार्थ भेटिएको छ ।
जिल्ला प्रहरी कार्यालय कैलालीका अनुसार बुधबार बिहान गोदावरी नगरपालिका–४ को हाटखोलीमा विस्फोटक पदार्थ भेटिएको हो ।
नेपाली सेनाले प्रयोग गर्ने टुईन्च मोटर बम फेला परेको कैलाली प्रहरीले जनाएको छ । स्थानीयले हाटखोलीस्थित खोलामा टुईन्च मोटर बम देखेपछि प्रहरीलाई खबर गरेका थिए ।
प्रहरीले तत्काल नेपाली सेनाको बम डिस्पोजल टोली मगाएको थियो । उक्त बम नेपाली सेनाको टोलीले डिस्पोज गरेको बताइएको छ ।
सो क्षेत्रमा नेपाली सेनाले तालिम गर्ने गरेको बताइएको छ । सोही क्रममा बम हराएको हुनसक्ने प्रहरीको अनुमान छ ।
Leave a Reply