काठमाडौं । सरकारले लघुवित्तको समस्या पहिचान गरी समाधान गर्न नेपाल राष्ट्रबैंकका डेपुटी गभर्नरको नेतृत्वमा सात सदस्यीय कार्यदल बनाएको छ ।

अर्थमन्त्री वर्षमान पुनले शुक्रबार साँझ राष्ट्र बैंकको लघुवित्त क्षेत्र हेर्ने, कार्यकायरी निर्देशक, अर्थ मन्त्रालयको वित्तिय क्षेत्र हेर्ने सहसचिव र सोही क्षेत्र हेर्ने उपसचिवलाई समेटेर कार्यदल बनाएका हुन् ।

यस्तै कार्यदलमा लघुवित्तिविरोधी संघर्ष समितिका तर्फबाट पुनाराम (मनिराम) ज्ञवाली, क्षेत्रबहादुर मोक्तान र लुजा राई छन्। कार्यदल संयोजकको नाम भने डेपुटी गभर्नर मध्येबाट राष्ट्रबैंकले तोक्ने मन्त्रालयले जनाएको छ ।

कार्यदललाई लघुवित्तका समस्या निर्धारण गरी ६० दिनभित्र प्रतिवेदन बुझाउन कार्यादेश तोकिएको बताइएको छ । आज मात्रै सरकार र आन्दोलनकारीबीच शुक्रबार ६ बुँदे सहमति भएको थियो ।