रौतहट । रौतहटमा मनि ट्रान्सफरका सञ्चालकमाथि गोली प्रहार गर्ने तीन जना पक्राउ परेका छन् ।

रौतहट प्रहरीले मुनिस यादव, राजाकुमार पासवान र चन्द्र भारतीलाई हतियारसहित पक्राउ गरेको हो ।

रौतहटको परोहा नगरपालिका-९ स्थित शिव मनि ट्रान्सफरका सञ्चालक २६ वर्षीय नितेशकुमार साहमाथि शुक्रबार गोली प्रहार भएको थियो।

गोली चलाउने समुहका तीनै जना भारतीय नागरिक रहेको जिल्ला प्रहरी कार्यालय रौतहटले जनाएको छ ।

गोली प्रहारबाट गम्भीर घाइते भएका साहलाई उपचारका लागि वीरगञ्ज पठाइएको छ।