काठमाडौं । उपप्रधान एवं गृहमन्त्री रवि लामिछानेले प्रधानमन्त्री पुष्पकमल दाहाल ‘प्रचण्ड’सँग भेट गरेका छन् ।

सुन तस्करीबारे छानबिन गर्न गठित उच्चस्तरीय आयोगको प्रतिवेदन अध्ययन गरेपछि गृहमन्त्री लामिछानेले प्रधानमन्त्री प्रचण्डसँग भेट गरेका हुन् ।

लगत्तै उनले नेपाल प्रहरीका महानिरीक्षक (आईजीपी) वसन्तबहादुर कुँवरलाई पनि मन्त्रालयमा बोलाएको स्रोतले बतायो ।

सुन तस्करीबारे जाँचबुझ गर्न गठित आयोगले आज बिहान आफ्नो प्रतिवेदन बुझाएको थियो। प्रहरीको केन्द्रीय अनुसन्धान ब्यूरोको अनुसन्धानबाट उन्मुक्ति पाएकाहरुबारे आयोगले अध्ययन गरेको थियो ।

आयोगको ब्रिफिङपछि बुझेको प्रतिवेदन गृहमन्त्री लामिछानेले अध्ययन गरेका थिए । लगत्तै अध्ययन गरेपछि लामिछानेले प्रधानमन्त्री प्रचण्डलाई भेटेर यसबारे ब्रिफिङ गरेका हुन् ।