काठमाडौं । रेड नोटिस जारी भएका फरार एक जनालाई प्रहरीले कुवेतबाट पक्राउ गरेको छ।

लागूऔषध खैरो हेरोइन मुद्दामा फरार रहेका इलाम संगरुम्बा-५ का २९ वर्षीय रोशन राईलाई पक्राउ गरेको हो।

राईलाई इन्टरपोलमार्फत पक्राउ गरी बिहीबार काठमाडौं फिर्ता ल्याइएको नेपाल प्रहरीको केन्द्रीय प्रहरी समाचार कक्षले जनाएको छ ।

इन्टरपोल कुवेतसँग समन्वय गरी कारबाहीका लागि उनलाई नेपाल ल्याइएको हो।